ШУА-ийн Ботаникийн цэцэрлэгт хүрээлэн байгуулагдсаны 50-н жилийн ойн хүрээнд манай хүрээлэн ШУА-ийн инновац, технологийн хэлтэстэй хамтран Байгалийн ухаан, хүнс, хөдөө аж ахуйн чиглэлээр суралцдаг нийт оюутан залуусын дунд "БОТАНИК ХАКАТОН" уралдааныг 2024 оны 02-р сарын 26-28-ны хооронд зохион байгуулж байна. Тус уралдаан нь нийгэм, хүрээлэн буй орчинд тулгарч байгаа асуудлыг шийдвэрлэхэд оюутан залуусын оролцоог нэмэгдүүлэх, судалгааны ажлын үр дүнг дэмжиж олон нийтэд түгээх зорилготой.
Уралдааны хөтөлбөрөөр оюутан залууст бизнес төсөл боловсруулах, амжилттай танилцуулах, илтгэх сургалт орох тул оюутан залуус идэвхтэй оролцохыг уриалж байна.
